Global Wind Day 2026 Theme | உலக காற்று தினம் 2026

Global Wind Day 2026 Theme | உலக காற்று தினம் 2026

SOURCE PIB: ENGLISH | TAMIL

Global Wind Day 2026 | உலக காற்று தினம் 2026

உலகக் காற்று தினம் ஜூன் 15

பருவநிலை மாற்றத்தை எதிர்கொள்வதில் காற்றாலை ஆற்றலின் பங்கை ஊக்குவிப்பதற்காக, உலகக் காற்று தினம் ஆண்டுதோறும் ஜூன் 15 அன்று கொண்டாடப்படுகிறது.

WhatsApp Group

Join Now

Telegram Group

Join Now

கருப்பொருள் மற்றும் மாநாடு| Global Wind Day 2026 Theme

“காற்றாலை ஆற்றல்: இலட்சியத்திலிருந்து முடுக்கம் வரை” (“Wind Energy: From Ambition to Acceleration”) என்ற கருப்பொருளின் கீழ், உலகக் காற்று தினம் 2026 மாநாட்டை இந்தியா, 2026 ஜூன் 15 அன்று கோவாவில் நடத்தவுள்ளது.

மாநாட்டில் பங்கேற்கும் அமைப்புகள் மற்றும் துறைகள்:

1. மத்திய மின்சார ஆணையம் (CEA),
2. இந்திய சூரிய ஆற்றல் கழகம் (SECI),
3. இந்திய புதுப்பிக்கத்தக்க ஆற்றல் மேம்பாட்டு முகமை (IREDA),
4. தேசிய காற்றாலை ஆற்றல் நிறுவனம் (NIWE), கிரிட் இந்தியா, முன்னணி மாநில அரசுகள், மற்றும் தொழில் அமைப்புகள் மற்றும் சங்கங்களின் மூத்த பிரதிநிதிகள் ஒன்றிணைவார்கள்.

உலக காற்று தினம் 2026 மாநாட்டின் முக்கியத்துவம்

1. வளப் போதுமான தன்மை, மின்கட்டமைப்புத் தயார்நிலை, திறன் அதிகரிப்பு, உள்நாட்டு உற்பத்திப் போட்டித்திறன், ஏற்றுமதி வாய்ப்புகள், மற்றும் முன்கணிப்பு மற்றும் புதுப்பிக்கத்தக்க எரிசக்தி உறுதிப்படுத்தலில் உள்ள முன்னேற்றங்கள் உள்ளிட்ட, இந்தியாவின் காற்றாலை ஆற்றல் பயணத்தின் அடுத்த கட்டத்தை வடிவமைக்கும் முக்கிய முன்னுரிமைகளை இந்த மாநாடு முன்னிலைப்படுத்தும்.
2. மேலும், ” உலகளாவிய சந்தைகளுக்காக இந்தியாவின் காற்றாலை ஏற்றுமதியை உயர்த்துதல்” என்ற தொழில்துறை அறிக்கையும் இந்த மாநாட்டில் வெளியிடப்படும்.

இந்தியாவின் காற்று வள ஆற்றல்

• இந்தியாவின் மதிப்பிடப்பட்ட மொத்த காற்றாலை மின் உற்பத்தித் திறன், 
  • தரை மட்டத்திலிருந்து 120 மீட்டர் உயரத்தில் 695.5 ஜிகாவாட்டாகவும், 
  • 150 மீட்டர் உயரத்தில் 1,163.9 ஜிகாவாட்டாகவும் உள்ளது.
• 150 மீட்டர் அலைவரிசையில் மதிப்பிடப்பட்ட காற்றாலை மின் உற்பத்தித் திறனில் பெரும்பகுதி, அதிக வளம் கொண்ட எட்டு மாநிலங்களில் குவிந்துள்ளது: 
  • ராஜஸ்தான்: 284.2 ஜிகாவாட்; 
  • குஜராத்: 180.8 ஜிகாவாட்; 
  • மகாராஷ்டிரா : 173.9 ஜிகாவாட்; 
  • கர்நாடகா: 169.3 ஜிகாவாட்; 
  • ஆந்திரப் பிரதேசம் : 123.3 ஜிகாவாட்; 
  • தமிழ்நாடு: 95.1 ஜிகாவாட்; 
  • மத்தியப் பிரதேசம்: 55.4 ஜிகாவாட், 
  • தெலங்கானா: 54.7 ஜிகாவாட்.
• காற்று வளங்களை வரைபடமாக்குவதற்கும், காற்றாலை ஆற்றல் மேம்பாட்டிற்கான அதிக ஆற்றல் வாய்ந்த இடங்களைக் கண்டறிவதற்கும், நாடு முழுவதும் 900- க்கும் மேற்பட்ட காற்று கண்காணிப்பு நிலையங்கள் நிறுவப்பட்டுள்ளன.
• 50 மீ, 80 மீ, 100 மீ, 120 மீ மற்றும் 150 மீ மைய உயரங்களில் காற்றின் ஆற்றல் வரைபடங்கள் உருவாக்கப்பட்டுள்ளன .
• இந்தியாவின் பரந்த காற்றாலை வளம், 2030-ஆம் ஆண்டிற்குள் 100 ஜிகாவாட் காற்றாலைத் திறனையும் , 2036-ஆம் ஆண்டிற்குள் 156 ஜிகாவாட் திறனையும் அடைவதற்கு ஒரு வலுவான அடித்தளத்தை வழங்குகிறது.

காற்றுத் திறன் மற்றும் உற்பத்தி வளர்ச்சி

• நிறுவப்பட்ட காற்றாலை மின் உற்பத்தித் திறனில் இந்தியா உலகளவில் 4வது இடத்தில் உள்ளது.
• நிறுவப்பட்ட காற்றாலை மின் உற்பத்தித் திறன், மார்ச் 2014-ல் 21.04 ஜிகாவாட்டிலிருந்து மார்ச் 2026-ல் 56.09 ஜிகாவாட்டாக , 2.66 மடங்கு அதிகரித்துள்ளது .
• கூடுதலாக 28 ஜிகாவாட் செயல்படுத்தப்பட்டு வருகிறது.
• 2024-25 ஆம் ஆண்டில் 4.15 ஜிகாவாட் ஆக இருந்த முந்தைய சாதனையை முறியடித்து, இந்தியா 2025-26 ஆம் ஆண்டில் 6.05 ஜிகாவாட் என்ற தனது வரலாற்றிலேயே மிக அதிகபட்ச வருடாந்திர காற்றாலை மின் உற்பத்தித் திறனைப் பதிவு செய்துள்ளது .
• காற்றாலை மின் உற்பத்தியில் கிட்டத்தட்ட 45% அதிகபட்ச தேவை நேரங்களில் நடைபெறுகிறது . இது சூரிய ஆற்றலுக்குத் துணையாக இருப்பதுடன், மின்கட்டமைப்பின் நம்பகத்தன்மையையும் வலுப்படுத்துகிறது.
• காற்றாலை உற்பத்தித் திறன் 2014-ல் 10 ஜிகாவாட்டிலிருந்து, மார்ச் 2026 நிலவரப்படி சுமார் 24 ஜிகாவாட்டாக அதிகரித்துள்ளது.
• இத்துறை, அதன் முக்கியக் கூறுகளில் 70-80% உள்நாட்டுமயமாக்கலை அடைந்துள்ளது.
• பிளேடுகள், டவர்கள், கியர்பாக்ஸ்கள் மற்றும் பிற முக்கிய உபகரணங்களுக்கு வலுவான உள்நாட்டு விநியோகச் சங்கிலிகள் உள்ளன.

காற்றாலை ஆற்றலுக்கான முக்கிய முன்னுரிமைகள்

• மத்தியப் பிரதேசம், தெலங்கானா, ஒடிசா போன்ற புதிய மாநிலங்களில் காற்றாலை மின் உற்பத்தியை விரிவுபடுத்துதல்.
• குஜராத் மற்றும் தமிழ்நாட்டில் கடல்சார் (Offshore) காற்றாலைத் திட்டங்களை செயல்படுத்துதல்.
• சேமிப்பு வசதியுடன் 24×7 (RTC) புதுப்பிக்கத்தக்க ஆற்றல் வழங்கலில் காற்றாலை ஆற்றலை ஒருங்கிணைத்தல்.
• மின் கட்டமைப்பை நவீனமயமாக்கி, AI அடிப்படையிலான முன்னறிவிப்பு கருவிகளைப் பயன்படுத்துதல்.
• காற்றாலை ஆற்றல் மதிப்புச் சங்கிலி முழுவதும் உள்நாட்டு உற்பத்தித் திறனை வலுப்படுத்துதல்.
• காற்றாலை உபகருட்கள் ஏற்றுமதியை அதிகரித்து, உலகளாவிய சந்தைகளில் இந்தியாவின் பங்கினை உயர்த்துதல்.
• புதுப்பிக்கத்தக்க ஆற்றல் மேலாண்மை மற்றும் மின்வலையமைப்பு (Grid) திறனை மேம்படுத்துதல்.

காற்றாலை ஆற்றலில் உலகளாவிய கூட்டாண்மைகள்

இந்தியா – இங்கிலாந்து

• Vision 2035 மற்றும் 4வது இந்தியா–இங்கிலாந்து எரிசக்தி உரையாடல் கீழ் ஒத்துழைப்பு.
• இந்தியா–இங்கிலாந்து கடல்சார் காற்றாலை பணிக்குழு – பிப்ரவரி 2026-ல் தொடங்கப்பட்டது.
• சந்தை வடிவமைப்பு, துறைமுக உள்கட்டமைப்பு, விநியோகச் சங்கிலி மற்றும் கலப்பு நிதி ஆகியவற்றில் கவனம்.

இந்தியா – பெல்ஜியம்

• 2026 உலகப் பொருளாதார மன்றம் (WEF)-இல் ஒத்துழைப்பு உறுதி.
• கடல்சார் காற்றாலை, ஆராய்ச்சி & மேம்பாடு (R&D), பசுமை வகைப்பாடு (Green Taxonomy) துறைகளில் இணைப்பு.
• இந்தியாவின் தூய்மையான எரிசக்தி மாற்றத்திற்கு ஐரோப்பிய ஆதரவு அதிகரிப்பு.

இந்தியா – டென்மார்க்

• 2019-ல் எரிசக்தி ஒத்துழைப்பு ஒப்பந்தம் கையெழுத்து.
• மே 2025-ல் MoU புதுப்பிப்பு.
• மின் அமைப்பு மாதிரியாக்கம், புதுப்பிக்கத்தக்க ஆற்றல் ஒருங்கிணைப்பு, நிபுணர் பயிற்சி ஆகியவற்றில் ஒத்துழைப்பு.

காற்றாலை ஆற்றலுக்கான எதிர்காலப் பாதை – முக்கிய புள்ளிகள்

• இந்தியாவின் தூய்மையான எரிசக்தி மாற்றத்தில் காற்றாலை மின்சாரம் முக்கிய பங்கு வகிக்கும்.
• பரந்த நிலப்பரப்பு மற்றும் கடல்சார் வளங்கள் வளர்ச்சிக்கு ஆதாரம்.
• திட்டங்களை விரைவாக செயல்படுத்துதல் அவசியம்.
• வலுவான மின்பரிமாற்ற (Transmission) கட்டமைப்பு தேவை.
• முன்கணிப்பு (Forecasting) திறன்களை மேம்படுத்துதல்.
• தொடர்ச்சியான கொள்கை ஆதரவு வழங்குதல்.
• புதிய மாநிலங்கள் மற்றும் பகுதிகளுக்கு காற்றாலை திட்டங்களை விரிவுபடுத்துதல்.
• சேமிப்பு (Storage) மற்றும் 24×7 மின்சாரத் தீர்வுகளுடன் காற்றாலை ஆற்றலை ஒருங்கிணைத்தல்.
• உள்நாட்டு உற்பத்தி மற்றும் ஏற்றுமதி போட்டித்திறனை வலுப்படுத்துதல்.
• காலநிலை இலக்குகள், எரிசக்தி பாதுகாப்பு மற்றும் பொருளாதார வளர்ச்சிக்கு காற்றாலை ஆற்றலை முக்கிய உந்துசக்தியாக மாற்றுதல்.

For More Click here…..